Quedar na casa non significa aburrirse! En Afundación axudámoste a que o verán sexa divertido co noso Campamento de Verán Virtual.
Música, teatro, cociña, Internet, artes plásticas... para seguir "conectad@s" con todos os sentidos.
Non perdas ningunha actividade do noso calendario:
DIRECTOS
- Unha banda na casa con Estudo Bonobo
22, 25, 29 XUÑ 1, 3 XUL | 10 a 16 ANOS
Utilizando ferramentas e recursos en liña gratuítos e a través de diferentes fases, @s participantes poderán comprobar todo o que coñecen sobre música, a capacidade que todos temos de crear, como o traballo colaborativo potencia esas capacidades e as facilidades que nos brindan as novas tecnoloxías para xerar contido de forma sinxela e imaxinativa. Unha aula virtual común na que o profesorado irá guiando @s participantes e organizando diferentes equipos en formato banda. Cada equipo terá que compartir o material creado dentro da plataforma, para que tod@s poidan colaborar, opinar e decidir así cal será o seguinte paso na creación do seu temazo.
Inscrición de balde aquí.
23, 30 XUÑ 7, 14 XUL | A partir de 3 ANOS
Nestes obradoiros Pablo Patiño e Montse Piñón, ou dito doutro xeito Teatro Ghazafelhos, desenvolverán pílulas en formato de obradoiro teatral online nas que propoñerán xogos e actividades vinculadas coa acción teatral dirixidos a nenas e nenos, a partir de 3 anos, e persoas adultas acompañantes. Nos obradoiros desenvolverán pequenos xogos de quecemento, propostas de imitación, mímica e montaxe de pequenas historias. Logo, construción de personaxes a partir de diferentes seccións do corpo ou de animais. E, por suposto, atenderán ao que lles vaiades propoñendo e preguntando.
Inscrición de balde aquí.
26 XUÑ 2, 9, 16 XUL | 1 a 7 ANOS
Gloria Mosquera e Tomi López, creadoras do grupo musical Mamá Cabra, propoñen o obradoiro musical «Contos musicados» dirixidos a familias con nenas e nenos a partir de 1 ano.
Durante a actividade propoñerán xogos con elementos que temos na casa e cos que crear melodías, aprender e interpretar cancións sinxelas, contar e cantar contos introducindo a música na narración.
Inscrición de balde aquí.
6, 8, 13, 15 XUL | 14 a 20 ANOS
A través dunha dinámica práctica e divertida, un hacker dos de verdade falaranos de:
- Os perigos das redes sociais. Analizará en concreto Instagram, Twitter e Facebook; como xeoposicionan as nosas publicacións, o que lles permite levar un seguimento de todo o que facemos.
- Google sábeo todo de ti. Utilizarase o buscador para investigar unha figura pública e comprobar realmente todo o que se pode axexar dunha persoa, entendendo así o coidado que cómpre ter coas páxinas web.
- O gran engano. Explicarase a nen@s o concepto de fake news e por que non debemos crer todo o que se publica na Internet.
- Coidado onde entras. Explicarase como con visitar unha páxina web maliciosa poden capturar todos os datos.
- Trucos e estafas. Ensinaráselles a identificar as principais canles de estafa nas que poden caer (trucos para móbiles, cracks para xogos, subscricións, etc.).
Inscrición de balde aquí.
NOVOS RECURSOS
Realizaremos frescas e deliciosas receitas de verán, ideais para comer na casa, levármolas á praia ou ao campo. Froitas e ensaladas presentadas dunha forma moi orixinal e, coma en calquera verán, non faltará un bo xeado. Poderán facelas nenas e nenos de todas as idades. Degústaas cando queiras accedendo aos nosos recursos online.
CLICA AQUÍ
- Obradoiros de artes plásticas
Para nenos e nenas de todas as idades, con elementos caseiros e fáciles de conseguir, chegan estes obradoiros, coa finalidade de poñer en práctica as capacidades artísticas, fomentar a creatividade e exercitar a motricidade.
CLICA AQUÍ
- Obradoiros de instrumentos musicais
Obradoiros para nenos e nenas de todas as idades nos que, con elementos caseiros e fáciles de conseguir, crearán instrumentos musicais de corda e percusión, poñendo en práctica as súas habilidades manuais e exercitando o seu sentido do ritmo.
CLICA AQUÍ
- Actividades educativas da mostra «O mar nas coleccións ABANCA e Afundación»
7 a 12 ANOS
- Xogo de pistas do Pirata Drake, o máis salvaxe dos piratas das costas do Atlántico. El propoñerache un xogo de enigmas e, ollo, non llo digas aos maiores! Conta como traballo escolar, pero eles non saben que é súper divertido. Son 4 xogos didácticos cun obradoiro.
Obradoiro 1
Obradoiro 2
Obradoiro 3
Obradoiro 4
3 a 12 ANOS
- Contos e lendas das costas galegas. Se tes entre 3 e 12 anos e che gustan as lendas de sereas, mariños e terras estrañas, prepárate para unha viaxe de ciencia ficción... Podes ler ou só escoitar e imaxinar, cunha proposta plástica coa que exercitar a túa creatividade.
Conto 1
Conto 2
Conto 3