NINFA DE PONTEVELLA
- INV:
- 9265
- Año de creación:
- 2000
- Dimensiones:
- 65 x 20 x 25
- Técnica:
- Terracota
Comentarios
A presenza espiritual das dríadas, divindades ligadas á natureza, as árbores nas que habitan, parece inspira-la fraxilidade vertical da obra.A disposición frontal do torso obriga a contempla-la minuciosamente, deténdose non só na súa forma, na súa modelaxe, senón nos seus perfís, no espazo recortado que debuxa ó seu arredor converténdoa case nun relevo. A calidez da materia, o seu suave cromatismo permite deduci-la tersura da pel, a morfoloxía sedutora do corpo feminino. A luz esvara pola superficie enriquecendo as posibilidades de visión, introducindo valores cromáticos, xogos de luces e sombras que realzan as zonas máis turbadoras fronte á rugosidade das feridas.
O pasado clásico introdúcese na peza ó remitir a imaxes de deusas, de musas, de esculturas fragmentadas, alteradas polo paso do tempo ou a acción do home que, a pesar das súas mutilacións, conservan a beleza, o poder de fascinación que as distingue como obras de arte únicas.
Exposiciones
"Acisclo Manzano". Serie Grandes Artistas Gallegos. Centro Cultural Caixanova. Vigo. Do 12 de setembro ao 13 de outubro de 2002. Sala de Exposicions San José. Do 17 de outubro ao 16 de novembro de 2002.
"1984-2004. Vinte anos de creación artística en Galicia na Colección Caixanova". Do 26 de febreiro ao 28 de marzo 2004. Centro Cultural Caixanova. Vigo.