Comentarios
Modela un rostro que xorde dunha masa informe de arxila onde quedan marcadas as pisadas do seu traballo en raias, cortes, buratos e engurras que se converten en elementos decorativos da obra na que a masa se expande con expresivo vigor. A capacidade inventiva do artista permítelle crear imaxes palpables que brotan desde o seu interior cunha inmediata sensación de vida. A obra ten a cor vermella natural da materia.
