Comentarios
A fascinación que exerceu sobre a pintora a natureza de Plitvice é comparable ó ensimesmamento que sentíu Monet por Giverny. A partir desa vivencia fai a serie «Jardines y agua» á que pertence esta obra. Na parte superior do cadro vémo-lo anaco dunha barca e maila pa dun remo que se afunde na auga e que ocupa toda a superficie da tea. A través da pintora percibímo-la sutileza do motivo, un espacio roto que pon o seu énfase nun compoñente líquido, ó ritmo duns xestos que aprehenden o movemento do fluído, captando sensacións que rebasan o marco da tea, con azuis, brancos, marróns e negros.
Bibliografía
F. Pablos "Tradición e vangarda" no catálogo da exposición
"Entre a tradición e a modernidade" reproducido co nº 58.
Exposiciones
«Realidad, ensoñación», do 21 de outubro ó 3 de novembro de 1990, Madrid. "Entre a tradición e a modernidade" no Centro Cultural Caixavigo,
outubro, 1996.
