En familia

Comentarios

A familia xúntase arredor dunha mesa cun aire de solemne intimidade. É o monumento da bendición, que a nena pequena, inqueda, interrompe. Tódolos personaxes, en distintas posicións, están caracterizados individualmente coa afectación propia dun retrato. Ricos empastes de luz e cor modelan os volumes, acentuando o valor plástico da escena, que contrasta coa zona escura da cheminea. A ventá aberta á paisaxe, ó fondo, contraponse coa corpulenta figura da nai, case de costas, en primeiro termo, acentuando a profundidade e valorando o ambiente do cuarto. Dálles figuras un papel principal, de forma que o pintoresco non perturbe o característico, logrando así a unidade psicolóxica da composición.