Comentarios
Busto de neno, coas mans xuntas e un casquete branco na testa. A pincelada, espontánea e ben marcada na figura, contrasta coa calidade lisa e homoxénea do fondo escuro. A forza da expresión está determinada pola luz, que penetra e transfigura a materia, producindo vibracións sobres as carnes e as teas, deixando en penumbra a metade do rostro, que esboza un débil sorriso. Na paleta non hai nada disonante, harmonizando con grande sensibilidade os negros, grises, brancos e rosas.
