Comentarios
Dúas mozas espidas e un personaxe con abundante pelo medio cuberto por un manto escoitan o efebo que toca a dobre frauta. O artista fai referencia a mitos e lendas que falan de ninfas que tentan namora-los faunos baixo un ceo estrelado, á luz da lúa. Os contornos das figuras están definidos con trazos seguros e liñas fluídas que forman siluetas tan puras que poderían decorar ánforas gregas. A tinta azul enfatiza o lirismo da escena.
