Comentarios
Nesta obra de Ramón Trigo, o tema elixido é un bodegón. Unha imaxe directa, de gran potencia visual, resaltada neste caso polo uso da estopa como base da obra. Trazos sinxelos para crear formas esbozadas que se converten nun obxecto cotián. De pincelada áxil e extensa, podemos observar unha obra de materia traballada, densa e rica en texturas, a pesar do seu aspecto rudo e despreocupado. Cromatismo exultante de azuis, amarelos e brancos que resaltan a escena e a dotan dunha luz forte e enérxica.
