Comentarios
A presencia dos peixes é unha constante na obra de Jorge cabezas, onde ocupan sempre un espacio de referencia narrativa.
A escena representa un espido de muller mergullado na auga e rodeado de tres peixes. O interese polos espidos e polas imaxes en movemento sobre unha superficie plana mantense nesta peza, na que se invita á contemplación da figura feminina, de rostro anónimo e beleza distorsionada, acompañada de tres peixes que nadan incansablemente ó seu arredor.
A harmonía cromática e a simplicidade formal do debuxo é evidente ó concibir a figura, perfilada en negro, en brancos e azuis verdosos, que se integran co azulón do mar. Os beneficios da luz parecen penetrar baixo o fondo mariño para alterar o corpo feminino someténdoo a cambios lumínicos de dereita a esquerda, delimitando os diferentes campos cromáticos mediante unha pincelada forte e matérica, rica en texturas, polo se que acada unha superficie árida e grumosa.
A composición e a presentación desta muller-serea suxire a idea dunha femia obxecto sexual habituada á contemplación e, daquela, totalmente impasible ante o acoso que en torno a ela exercen os insistentes peixiños.
EXPOSICIÓNS:
"Jorge Cabezas". Marzo de 2002. Galería de Arte Alameda Vanguardia, Vigo.
