Astillero
- INV:
- 2567
- Año de creación:
- 1974
- Dimensiones:
- 100 x 100 x 0
- Técnica:
- Óleo sobre lenzo
Comentarios
Pertencente á súa Serie Blanca, a representación de estaleiros presenta unha visión romántica do Porto da Prata de Bos Aires, sen esquecer, por isto, as referencias a Marín, a súa vila natal.A composición tende cara á xeometría, nunha mirada distorsionada da realidade, onde todo se interpreta a partir da racionalidade das formas, cun sentido elemental da arquitectura e a paisaxe.
A disposición horizontal da obra contrasta violentamente coa verticalidade dos mastros das embarcacións, que semellan triángulos, violentando a limpeza da atmosfera, na que se adiviña un esvaecido e curvado horizonte gris.
A harmonía cromática da tea, os delicados marelos e os laranxas contrarréstanse con azuis e morados que, sen embargo, non conseguen romper a intensa sensación de luz, claridade e optimismo que inunda a obra.
EXPOSICIÓNS:
"José Solla. Exposición Antológica". Do 29 de xuño ó 15 de xullo de 1990. Palacio Municipal de Exposicións Kiosko Alfonso, A Coruña.
"José Solla". Do 3 de agosto ó 2 de setembro de 2001. Museo Manuel Torres de Marín, Marín.
"José Solla". Del 5 ó 30 de setembro de 2001. Sala de Exposicións Caixanova, Pontevedra.
"José Solla". Do 4 ó 21 de outubro de 2001. Aula de Cultura Caixanova, Ourense.
"José Solla". Do 2 de outubro ó 18 de novembro de 2001. Aula de Cultura Caixanova, A Estrada.
REPRODUCCIÓNS:
"José Solla. Exposición Antológica". Caixavigo, Vigo, 1990, s.p.
"José Solla. Mitos e realidades". Caixanova, Pontevedra, 2001, páx. 18.