Comentarios
Os xogadores, que lle dan título ao cadro e ocupan o centro da composición, aparecen como algo secundario; a perspectiva lévanos ao fondo, ao interior dun dormitorio e a unha paisaxe de tellados e chemineas, nun ámbito que subliñan as mulleres, distribuídas na habitación con distintas expresións e actitudes. Son moitas as estampas que realiza Souto nesta época con temas de interiores de barrios baixos e vida bohemia, que traslocen a súa formación literaria, con ambientes e personaxes que apuntan unha narración inexistente.
