Comentarios
Luis Seoane, xurista, escritor, pintor, gravador e poeta, é un dos artistas máis significativos do chamado "Movimiento renovador del arte gallego". Desde a súa época de estudiante en Santiago de Compostela comezou a interesarse pola ilustración e o gravado que non abandonou ata o final da súa vida. Entre os anos 60-70 a xilografía será un dos seus principais vehículos de expresión artística. Na presente obra manchas vermellas e azuis vibran en perfecto diálogo co debuxo esquemático das figuras, cunhas siluetas que, perfiladas en branco, contrastan coas sombras negras que conservan o veteado da madeira nunha composición resolta coa axilidade e amable lirismo.
Bibliografía
-X. Seoane, "Grande Enciclopedia Gallega" t. 28, p. 141; C. Otero Vázquez, "Seoane grabador" en "Luís Seoane", catálogo de la exposición itinerante por la Coruña, Lugo y Santiago de Compostela, Alvar Gráfica, 1994, A Coruña; Josefina Cerviño Lago, "Luís Seoane",1994, A Coruña.
