Retrato de Blanca Díaz Amezgueta

Comentarios

Sobre un fondo neutro, indefinido, destaca o retrato, de busto, esquemático, construído con cores sombrías cos mesmos matices có fondo. Fiel ó silencio e á interiorización, características da súa arte, fai xurdi-lo carácter da modelo que aflora cunha expresión de melancolía no rostro. A pintura, aplicada en planos de cor, dálle certo volume ó rostro, a parte dereita do cal se cobre cunha sombra negra que constitúe a clave emotiva do cadro.