Comentarios
A obra ten ese estilo especial e distintivo, con formas simplificadas, e unha técnica espontánea de efecto movedizo, que caracteriza as acuarelas de Souto. A figura da dama, sentada, de fronte, ao lado dunha mesa cun fanal de flores e un libro, destaca en primeiro plano, cortada polo bordo do papel. Ao fondo vese un reloxo, un cadro colgado na parede, e unha porta aberta a outro espacio. Organiza a composición suxerindo o volume e mailo ambiente da habitación cun xogo de marróns e avermellados que alternan con espacios brancos en vibrante harmonía de reflexos.
