GRAFISMO I
- INV:
- 202
- Dimensiones:
- 57 x 57 x 0
- Técnica:
- TINTAS / PAPEL
Comentarios
O artista, seguindo a pauta dos pintores construtivistas, realiza variacións sobre a mesma idea, obrigándonos a buscar diferenzas entre as catro obras.
Formatar o papel con trazos negros que se dirixen en distintas direccións cun ritmo trepidante, producindo audaces encontros entre as liñas vectores, que encerran recantos triangulares e formas trapezoidais que aluden á armazón dunha vidreira ou a anacos de ceo vistos a través de ramas núas, aprisionando o espazo coa mesma tensión que os ferros dunha escultura.
O conxunto constitúese como unha realidade plástica de grande atractivo, carente dalgunhas determinacións propias da percepción como o arriba e abaixo, a dereita e a esquerda. Introdúcenos nun ámbito da mente onde non teñen relevancia as elementais cuestións espaciais. Son pensamentos gráficos que se encadean e discorren arredor de combinacións de infinitas posibilidades xeométricas, seguindo unha estrita metodoloxía que fai do artista un "creador de proxectos". O resultado é unha arquitectura que mobiliza o espazo pictórico contando coa cadencia que marca o suave e atinado cromatismo.