O Cumial

Comentarios

A paisaxe é o reflexo do mundo interior do artista que traduce querencias e estados de ánimo cotiáns. A paisaxe do Cumial, a súa casa durante moitos anos, estará para sempre ligado a súa obra, xa que a ten retratado en infinidade de ocasións.

A natureza preséntase dinámica, en movemento, as masas das árbores abanean co vento e, no fondo, intúense as siluetas dunhas casas. O primeiro plano está reservado para uns arbustos e unhas matas, describindo o autor a orografía do terreo mediante grosos puntos, incisións, raias, que transmiten unha sensación de vexetación frondosa e robusta.