EL ADIOS
- INV:
- 1374
- Año de creación:
- 1989
- Dimensiones:
- 84 x 65 x 0
- Técnica:
- Técnica mixta sobre táboa
Comentarios
Esta forma xeolóxica inventada polo autor para capta-la vida, a explosión desbordante da natureza, introduce ó espectador nun dos seus temas constantes, no seu interese polo cosmos e a orixe do universo. A obra, texturada e pastosa, obtén o máximo partido do material, extraendo calidades táctiles e físicas, describindo relevos reais que dividen a obra en dous espacios diferentes.A zona superior, case neutra, oponse á inferior, de materia áspera, chorreante e grumosa, delimitada por bandas de cor de paleta sobria, negros, ocres e vermellos amortecidos que sinalan como centro o gran círculo-núcleo, vomitador do material que inunda o espacio inferior do cadro.
A abstracción da obra non é pasiva, enriquécese e complétase coa suxerencia de imaxes que xorden na superficie do material, provocando persoais e diferentes interpretacións dela mesma.