Comentarios
Elementos vexetais, aves, signos, redondeis e marcas que sobresaen en relevo ornamentan a táboa que aparece como un soporte repuxado con formas sinxelas e estilizadas, reducidas ó mínimo, nun ambiente de rosas e dourados. Estas obras en táboa de Virgilio parecen concibidas para produci-lo efecto da mestura de ourivería, escultura e pintura, cun pronunciado carácter artesán que emula as dianteiras dos altares do románico, co vigor e o encanto das creacións populares, vinculadas cos signos que deixaban os canteiros nas pedras.
