Comentarios
Sobre un fondo monocromo amarelo, cunha acoutación espacial e un deseño que garda relación co traballo publicitario, levántase este fragmento dunha aldea, con arcadas de medio punto e torres que acaban en afiadas agullas. Con ese sabor das imaxes relacionadas co mundo editorial dota ó debuxo de autonomía, poñendo en marcha o recordo, o acto de indagar na memoria persoal que flúe coa cor e o trazo e se plasma no silencio dos lugares e das cousas que alimentan a sabedoría dos pobos.
