Comentarios
As series que dedica Virxilio a lugares determinados consagran a importancia que lles dá ás sensacións que a vista de paisaxes que lle son familiares producen nel. O seu interese concéntrase nas formas ordenadas da natureza e o colorido das súas luces que varía coa hora e mailo momento no que o pintor pinta, sen ningún tipo de énfase. As árbores do Cumial quedaron xa inmortalizadas para sempre nas obras de Virxilio, neses perfís ondulados como chamas que trepidan cheas de vida.
