Comentarios
Un vello cuberto cun manto camiña cara á dereita apoiándose nun bastón. A súa figura, que ocupa todo o primeiro termo, resalta sobre a escena do fondo na que catro figuras, vestidas iguais, transportan encol dos ombreiros un cadaleito; a este ségueo un personaxe, con sombreiro e capa. Cun debuxo flexible dálles corporeidade ós panos e unha grande expresividade á cara do protagonista. O contido da escena corresponde ó tema do libro, "Los sueños", que ilustra con este debuxo.
