Comentarios
Eis unha perspectiva do lugar cun punto de vista elevado que marcan as árbores e casas que establecen unha serie de fitos espaciais que conducen a vista cara ó fondo, subliñado pola liña ondulada das montañas. As paisaxes rurais e o pintorequismo das aldeas, espalladas pola xeografía de Galicia, atrae ó pintor que o avalía dun xeito poético. A borraxeira unifica os tons e dilúe a luz en harmonía cos rosas, brancos e verdes. A obra ten ese aire inmediato, esa intimidade coa paisaxe tan propia do seu autor.
