Kid&Us e Afundación convidámoste a vivires unha experiencia máxica na Biblioteca Afundación de Santiago de Compostela o martes 13 de maio con "Storytelling: The Perfect Pet", un contacontos interactivo en inglés deseñado para nenos e nenas de 4 a 7 anos.
Nesta divertida sesión, os máis pequenos mergullaranse nun mundo de imaxinación mentres descobren a historia de Emma, unha nena que soña con atopar a mascota perfecta. A través de narracións dinámicas, cancións e xogos participativos, os nenos reforzarán a súa comprensión do inglés nun ambiente lúdico e estimulante.
Por que non o podes perder?
✔ Aprendizaxe natural do inglés: Os nenos e nenas absorben o idioma de forma espontánea mediante historias entretidas.
✔ Interacción e diversión: Actividades deseñadas para fomentar a participación e a creatividade.
✔ Ambiente acolledor: Sesións dirixidas por persoal especializado en ensino infantil.
Ven coa rapazada fomentar o amor polos idiomas con metodoloxías divertidas que fan do inglés unha experiencia inspiradora.
Aproveita para visitares a axenda web e decatáreste de todas as propostas culturais que che ofrecemos ao longo do mes. Tamén podes entrar na nosa ticketeira Ataquilla.com para informarte doutras actividades escénicas.