A Sede Afundación A Coruña acolle do 10 de marzo ao 20 de xuño de 2020 a exposición «FÓRA DE FOCO. Artistas foráneos na Colección Afundación» cunha selección de 34 obras de artistas non galegos como Soledad Sevilla, Chema Alvargonzález, Susy Gómez, Daniel Canogar, Broto, Mersad Berber ou Baltazar Torres, incorporadas á Colección Afundación pola súa sensibilidade, a súa beleza e a potencia da súa linguaxe.
Unha exposición heteroxénea en nomes e linguaxes que teñen en común pertencer todas ao panorama actual da arte por estar cronoloxicamente enmarcadas entre os últimos anos do século XX e os primeiros do XXI. Artistas españois de fóra de Galicia e portugueses forman o groso da exposición, en que tamén están presentes outras nacionalidades como é o caso do bosníaco Mersad Berber.
Visitas comentadas e actividades escolares fóra de servizo temporalmente seguindo as recomendacións sanitarias e comunitarias por mor do Coronavirus (COVID-19).
Módulo Interactivo
Na montaxe da exposición, tres obras dE FÓRA DE FOCO, analizadas con intelixencia artificial, convertéronse nun algoritmo neuronal que reinterpreta o teu retrato co estilo que elixas.
Comparte o teu retrato en Instagram co hashtag #FóradefocoAfundación e entrarás no sorteo de dúas entradas para un espectáculo á venda en Ataquilla.com. BASES aquí.
ACTIVIDADES PARA ESCOLARES
Coa finalidade de dar a coñecer a Colección Afundación, presentamos un programa escolar adaptado a todas as idades a través de visitas-obradoiro:
• A linguaxe secreta da arte. Visita-obradoiro para escolares desde infantil ata 3º de primaria.
• De talentos ocultos e outras historias… Visita-obradoiro para escolares desde 4º de primaria ata 2º da ESO.
• Fóra de Foco. Visitas-obradoiro para escolares desde 4º da ESO, bacharelato e CF.
Prezo: 1 €/ participante