Situado en pleno corazón da cidade de Vigo, o Teatro Afundación inaugúrase en 1984. Trátase dunha obra de recuperación de patrimonio histórico sobre o magnífico teatro García Barbón, que o arquitecto Antonio Palacios proxectara a principios do século XX. O seu estilo cualifícase de eclecticismo academicista, coas características curvas e contracurvas do arquitecto galego, que se inspirou na Ópera Garnier de París. O edificio é un dos máis emblemáticos da arquitectura histórica viguesa, destacando no exterior o excelente tratamento de cantería, executado en granito branco de Castrelos. Na disposición interior, Palacios puxo a énfase no acceso ao teatro cun amplo vestíbulo oval e unha escaleira de honra, iluminada cenitalmente a través dunha vidreira realizada pola casa Maumejean.
Entradas para o Teatro Afundación Vigo en Ataquilla.com
Ofrecemos o aluguer dos seus espazos a entidades públicas e privadas, así como a organizacións non gobernamentais que desempeñen actividades acordes coa nosa filosofía. Os devanditos espazos dispoñibles para aluguer son: o teatro e a sala de concertos, o auditorio, a sala de conferencias, as salas de seminarios, as salas de exposicións, o salón de recepcións e a biblioteca.
Accesos
Autobuses. Liñas : C3, CAC, C7, L11, 12B, C4A, C5A, C4B, L8, C5B, 12A, C9A. L17, C9A, C15C. Información da estación de autobuses de Vigo.
Estación de trens Guixar: r/ Areal, s/n Vigo. Información da estación de trens Vigo-Guixar.
Aeroporto: a 17 km de distancia. Información do aeroporto de Peinador.
Se che interesa alugar os nosos espazos, ou se tes algunha dúbida, podes chamarnos a 986 120 082 ou escribirnos a socioculturales@afundacion.org
Visita virtual Teatro Afundación Vigo
Espazos e Salas disponibles
Características
O Teatro Afundación é un dos edificios emblemáticos da cultura galega e a súa historia está unida á propia historia de Vigo. Nos primeiros anos do século XX, o empresario García Barbón mercou o Teatro Rosalía de Castro co fin de garantir aos vigueses o seu uso como recinto de artes escénicas. Con todo, un ano despois do falecemento de García Barbón, en 1910, un incendio destruíu o local.
As sobriñas do mecenas encargaron ao arquitecto Antonio Palacios erixir un novo teatro. O deseño de Antonio Palacios contemplaba un edificio monumental que integraba diversas funcións. Debido á súa grandiosidade, as obras foron avanzando con lentitude ata fins de 1926.
O inmoble constaba dun teatro, un cinematógrafo e unhas dependencias para o casino. Na parte inferior, Palacios aproveitou o desnivel para dispor unha sala ampla de usos múltiples. O arquitecto tamén creou unha gran vidreira para iluminar o ampuloso vestíbulo e a escaleira de honra que conectaban as diferentes estancias do edificio.
En 1982 a Caja de Ahorros Municipal de Vigo adquiriu o teatro para convertelo no seu centro cultural. Tras as obras de rehabilitación realizadas polo vigués Desiderio Pernas, o teatro inaugurouse o 22 de marzo de 1984.
Desiderio Pernas procurou respectar o proxecto de Antonio Palacios e axustar o espazo para novos usos. Como resultado final, o teatro mantén o estilo dos teatros italianos de ópera do século XIX e a área para exposicións conta con salas cóncavas e grandes piares de granito que deixan ver a estrutura orixinal do edificio.
Ademais, no alto da fachada engadíronse dúas estatuas ecuestres da autoría de Juan Oliveira Vieitez, así como varias figuras de pedra de Manuel García Vázquez . As pezas de Buciños funcionan como alegoría das artes que acolle o centro: pintura, teatro, escultura, literatura, cine e música.
Horarios
Salas de exposicións.
Luns a venres de 17.30 a 20.30 h
Sábados de 11.00 a 14.00 e de 17.30 a 20.30 h
Pechado os domingos e festivos
Localización
Ver mapa más grande
Contacto