Comentarios
Dous pesqueiros vistos desde a popa, un a carón do outro, están atracados no peirao que, con ousado escorzo, bordea lateralmente a composición, inducíndonos a nos dirixir cara ao fondo que se pecha con casas e montañas encol das que descansa un amplo ceo con nubes. Os mastros, con pequenas bandeiras, proxéctanse sobre o ceo e vibran sutilmente sobre a auga que ocupa o primeiro termo do cadro. O pintor coordina habilmente o rigor compositivo co debuxo e mailos efectos da luz con manchas e algún friccionado.
