BOLAS DE BILLAR (Serie Trabajos Inútiles)
- INV:
- 9299
- Año de creación:
- 2007
- Dimensiones:
- 0 x 0 x 0
- Técnica:
- cerámica
Comentarios
Esta obra do artista Diego Santomé, estrela da edición de ARCO 2007, foi seleccionada polos medios especializados como unha das pezas imprescindibles da edición. Pertencente á serie "Traballos inútiles", esta obra, de monumental tamaño, resulta sorpresiva e inquietante, xa que rompe coas regras da proporción e transporta o espectador a un mundo fóra de escala.
Resulta rechamante a técnica utilizada, cerámica, perfecta, malia o tamaño, e absurda, xa que anula a súa función orixinal. A peza foi realizada na Escola Municipal de Artes e Oficios (EMAO) de Vigo, onde as súas ideas foron tomando forma coa axuda técnica do profesor do taller de cerámica e artista, Miguel Vázquez.
O autor da peza comenta: "Traballos inútiles é unha serie de esculturas en porcelana ou louza que reproducen obxectos da miña vida cotiá que, reconstruídos en porcelana, perden a súa función inicial. A súa única aspiración é converterse en algo belo que só sirva para a súa contemplación".
Exposiciones
Exposición "Espazo Colección Caixanova", no Centro Social Caixanova Vigo, dende xuño de 2007 - febreiro 2008.
Exposición “De Nova Materia. Escultura Contemporánea na Colección Caixanova” no Centro Social Caixanova Pontevedra, Do 21 febreiro ao 23 marzo 2008..- Centro Cultural Caixanova Vigo. do 15 maio ao 15 xuño 2008.- Centro Social Caixanova Ourense. Do 16 setembro ao 19 outubro 2008.
.
Reproducciones
Catálogo da exposición "De Nova Materia. Escultura Contemporánea na Colección Caixanova", páxs. 64-65.