Comentarios
A súa obra pódese relacionar coa de artistas que como Nicholson ou Malevich souberon concilia-las formas xeométricas coa poesía e conservaren asemade unha visión máxica, unha capacidade para a creatividade libre de prexuízos, con imaxinación non só formal senón tamén nos materiais. Elementos de construcción actuais como o pladur xogan con formas elaboradas con barro, coas imperfeccións e acabados rugosos do traballo manual nunha obra que proxecta un auditorio, debuxando no espacio formas e suxerencias evocadoras de orellas. Aínda que aquí represente unha idea concreta, como proposta experimental cunha linguaxe de vocación arquitectónica, hai equilibrios de forzas e bifurcacións que permiten asociacións poéticas, cun pensamento de apertura e unha nota de ironía.
Bibliografía
VV.AA. "Las habitaciones del héroe" Sargadelos, 1999 coa obra reproducida.
