Espiral
- INV:
- 9143
- Año de creación:
- 1984
- Dimensiones:
- 75 x 0 x 0
- Técnica:
- Bronce e mármore
Comentarios
A obra forma parte dun coidado proxecto de investigación do artista que culminou co monumento da Praza de España en Vigo.A peza presenta sete cabalos subindo por unha rampla en espiral ascendente. O número de cabalos aumenta segundo van subindo, dous na base, un tras outro, dous xuntos no centro e tres na zona superior da espiral, o que xera unha gran sensación de desequilibrio, de dificultade engadida, pero acentúa a idea de carreira tola e desenfreada.
A peza é modelada previamente en cera e logo fundida en bronce a partir da técnica da cera perdida. Os cabalos e a rampla de subida intervéñense de xeito distinto. Os equinos, de gran realismo e representados en bronce negro, ofrecen un aspecto poderoso e brillante gracias a un acabado perfecto. A súa morfoloxía revela un profundo coñecemento por parte do autor da anatomía dos animais. A paisaxe interprétase mediante unha pátina verde que incide na sensación de natureza, acadada non só pola cor senón pola diferente textura da rampla, do elemento natural máis abrupto, máis plástico e rudo, onde os ocos realzan a tendencia aérea da peza.
O xogo de ritmos, de curvas, de oquedades e superficies rugosas esixe a observación detida da peza, é necesario rodeala e aprehendela dende todos os puntos de vista posibles pois o resultado final é algo vivo, a plasmación do movemento e a enerxía.
Exposiciones
"Oliveira. Escultura en bronce". 1985. Sala de Exposicións de Caixaourense, Torre de Ourense."II Ciclo del fondo de arte de Caixaourense". Do 20 ó 30 de setembro de 1989. Aula de Cultura de Caixaourense, Ourense.
Exposición "Espazo Colección Caixanova", no Centro Social Caixanova Vigo, dende o 22 de novembro de 2006.
"Juan J. Oliveira" do 8 ao 24 de xuño de 2007 na Cámara Oficial de Comercio de Tui.