Comentarios
Apaixonado polos animais, debuxounos con seguridade e enfrontouse con brío a distintos tipos de materia para representalos de forma tanxible. Con man rexa traballa aquí a lámina de ferro deixando aberturas que permiten aprecia-lo interior baleiro da escultura. Dálle forma ó animal, de contorno redondeado e de curtas patas, co corpo sucado por estreitas canles, compaginando a fortaleza coa delicada e tenra representación que conquista ó que contempla a obra. A luz esvara sobre as rugosidades e imperfeccións da cabeza e sobre a superficie do corpo como un suave pincel que lle dá vida á peza
