El amor y sus penas

Comentarios

As figuras, deseñadas cun canon alongado, manierista, destacan en primeiro termo, iluminadas por unha forte luz que acentúa a palidez das súas faces e modela as carnacións cun suave clarescuro. A moza, con expresión doce e melancólica á vez, enlaza as súas mans por diante e suxeita unha cortinaxe coa que cobre o seu grávido ventre; ao seu lado, coa mirada baixa, o confidente das súas penas. Entre a zona escura que respalda as figuras e a perspectiva da praza, créase un ambiente de misterioso contido espiritual. Á paleta contrastada de brancos e negros únese sen estridencias a policromía das cortinas, de grande valor decorativo. Este vello recurso, empregado con orixinalidade, aumenta o valor da composición, executada cunha técnica impecable.

Bibliografía

F. Pablos "Do Romanticismo ós anos vinte", catálogo da exposición, reproducido co nº 28.

Exposiciones

"Do Romanticismo ós anos vinte" maio-xuño 1996, Centro Cultural Caixavigo.

"Jesús Corredoira". Casa da Parra, Santiago de Compostela. Do 20 de maio ao 20 de xuño.1998.

Reproducciones

"Colección Caixavigo. Pintura-Escultura-Dibujo". Tomo 1, páxina 121.