Comentarios
Con grande capacidade de síntese, capta as características do terreo: amontoamentos de pedras, campos parcelados, terras labradas, a estrada e a montaña, que se recorta sobre un amplo ceo con nubes, ó fondo, por onde asoma un resquicio de mar. O debuxo enriquécese cunha harmoniosa gamma de cores, aplicadas de xeito espontáneo, pincelando en distintas direccións, sen titubeos, brincando con reservas de papel en branco e co refregado do pincel, que reproduce a textura rugosa do papel cun evidente dominio da técnica.
