Comentarios
Homes e mulleres volven ás súas casas despois do traballo diario. Con debuxo ben definido, estructura a composición situando nun plano vertical tódalas distancias da paisaxe, articulada por un camiño que sobe desde a parte inferior da tea, salpicado por campos labrados e viñas, rematando nun lugar con casas e hórreos. Co inxenuismo característico do pintor, detense en detalles anecdóticos coma o campesiño co legón ó lombo e a muller co cesto sobre a cabeza. A composición ten un valor etnográfico. A materia, espesa, está tratada con pequenos toques prateados que producen unha vibración lumínica por toda a tea. Domina un acorde cromático de grises, verdes, brancos e pratas.
Exposiciones
"Pesqueira", Antolóxica, do 11 de abril ó 10 de maio de 1986, na Sala de Exposicións do Centro cultural Caixavigo", " Artistas Gallegos en la colección Caixavigo", Itinerante, no Museo Municipal de Ourense, Museo do Pobo Galego, Santiago, Kiosko Alfonso, A Coruña, novembro e decembro de 1988 e xanerio de 1989; Artistas Galegos na Colecçâo Caixavigo", do 29 de abril ó 24 de maio de 1992, no Auditorio de Galicia; "Do Romanticismo ós anos vinte" maio-xuño 1996, Centro Cultural Caixavigo.
Reproducciones
"Pesqueira" nº 12 da serie "Grandes Artistas Gallegos", Catálogo da Exposición Antolóxica; "Artistas Gallegos na Colección Caixavigo", Catálogo da Exposición, Vigo 1988; "Artistas Galegos na colecçâo Caixavigo", Catálogo da Exposición Caixavigo, S. XX", Vigo 1992; "Do Romanticismo ós anos vinte", catálogo da exposición, reproducido co nº 63
