Comentarios
Sobre o plano do papel aparecen unha grande forma marcada en relevo, dúas liñas trazadas sen ningún tipo de vacilación e un pequeno triángulo escuro. Cunha realización impecable créase a ilusión dun espacio, sobre o que se establecen unha serie de relacións que precisan da sensibilidade do espectador para captalas. O triángulo escuro pode aludir a un corte no papel a través do que se ve a escuridade que hai detrás do cadro, ou unha abertura ó vacío, punto de fuxida da composición.
