FRANCISCO MUÑOZ CARRASCO, MARINO MERCANTE, MI PADRE
- INV:
- 4304
- Año de creación:
- 2007
- Dimensiones:
- 195 x 114 x 0
- Técnica:
- Óleo sobre tea
Comentarios
Jano Muñoz demostra nesta obra a súa evolución estilística nos últimos anos, cun gusto pola investigación da luz, do claroscuro e onde a figura humana substitúe a paisaxe, cunha técnica propia, froito da elaboración dos seus propios materiais (pigmentos, aceites, ceras) e pinturas.Nos seus retratos aparece como un pintor clásico contemporáneo, como el gusta chamarse, xa que se observa na súa obra a dobre influencia de pintores clásicos, como Rembrandt, Caravaggio ou Zurbarán e de pintores contemporáneos como Manet.
Traballa a partir do natural, sobre todo nos retratos familiares, e domina perfectamente a técnica do debuxo.
Representa a imaxe do seu pai, de perfil, cun retrato de gran realismo, coa típica mirada ensimesmada e nostálxica do mariño, reflectindo a admiración polo seu oficio, expresión de liberdade individual, pero tamén de certo aire intelectual.
Utilización de cores sobrias pero envolventes, sobre todo ocres, grises, e dunha luz moi marcada, contrastada, resaltando claramente a figura sobre o fondo. Gran precisión e meticulosidade no debuxo.