PUEBLO GALLEGO

Comentarios

Nesta obra de Carlos Sobrino, Pobo galego, destaca un claro estilo costumista, na que predomina a raíz folclórica das paisaxes representadas.

Nela podemos observar, cun excelente debuxo no que está perfectamente representado cada detalle, a típica rúa dunha vila galega, coas súas casas de pedra e as súas estreitas rúas. O sol incide na paisaxe e créase unha luz que reloce e ilumina toda a vila, deixando de lado a rutina galega das nubes grises e a chuvia.

Como é característico deste autor, predominan as cores cálidas e harmónicas, que lle impregnan á obra unha sensación de silencio e de tranquilidade acolledora.