Gran Inventario Italian

Comentarios

A obra do artista autodidacta, Luis Alcántara Álvarez, deixa translucir ese discurso persoal e sensible de mundos inventados. Publicista de profesión, a imaxe ten para el unha importancia vital. Así, en ocasións, os seus cadros poderían ser anuncios que falan sobre un sentimento interior.

Unha superficie dividida en diferentes espazos que albergan nalgúns casos estruturas arquitectónicas e noutros obxectos cotiáns. Atmosferas máxicas que encerran o pensamento do autor, elementos propios da súa mitoloxía e simboloxía.

Unha pintura reflexiva de gran beleza plástica, onde se lle dá importancia ao debuxo e á composición. Harmonía cromática na que domina unha paleta quente que dota a obra de calidez e equilibrio.