Comentarios
Perspectiva dunha aldea, onde as casas se aliñan deixando ver, cara ó fondo, un amplo ceo, contra o que se recorta a torre do campanario, sobre a que incide, con forza, a luz, en contraposición coas manchas que sombrean o primeiro termo. As marcas do lapis e a falta de detalles producen a sensación dun apunte inacabado, coa frescura e espontaneidade que lle proporciona esta técnica.