PUESTA DE SOL
- INV:
- 3508
- Año de creación:
- 1980
- Dimensiones:
- 46 x 61 x 0
- Técnica:
- Óleo sobre lenzo
Comentarios
A paisaxe de Lodeiro é un produto depurado, resultado dun longo proceso de reflexión a partir do cal emerxen as súas inquedanzas persoais e sociais. Os seus espectáculos visuais, de perspectivas afastadas buscan, empregando a xeometría, eliminar o superfluo para chegar ó esencial.As obras realizadas nos anos oitenta interpretan a natureza coma un espazo mental estruturado a través de bandas cromáticas diagonais. As gradacións ópticas de amarelos, laranxas e granates recrean un espazo desértico, unha terra árida onde só as pequenas construcións da esquerda, como antigas mastabas, aluden á presenza do ser humano.
Imponse un minimalismo na forma, permitindo que todo o peso descanse no binomio luz-cor, na sinfonía de cálidos que se estenden coma un abanico amosando todas as notas posibles. A elocuencia da luz, que describe o ocaso mediante unha estudada escala cromática, anuncia como o mundo se vai escurecendo, permitindo que os persistentes raios solares proxecten o seu reflexo na ardente area.