RÚA DEL VILLAR
- INV:
- 3416
- Año de creación:
- 1999
- Dimensiones:
- 48 x 34 x 0
- Técnica:
- Acuarela sobre papel
Comentarios
Santiago, cidade retratada miles de veces, reinventados os seus rueiros estreitos, cheos de historia, por poetas, pintores, escritores e fotógrafos. As súas pedras son patrimonio da humanidade, de todo o que pasea descubrindo recunchos agochados e rúas como a rúa do Vilar poboada de soportais nos que o tempo simula estar detido.A composición sobresae pola súa acentuada verticalidade coroada pola Torre do Reloxo da catedral que roza o ceo dun azul borroso. Conséguese plenamente o efecto de profundidade ao confrontar a vía estreita coa esvelta arquitectura. O cromatismo apagado, case monocromo, en tostados e marróns, que imitan a cor parda do granito, altérase coas tonalidades brillantes dos paraugas que lle ofrecen unha nota máis cálida á escena.
A sensación de tranquilidade imponse na obra onde os viandantes, coma un elemento anecdótico, camiñan sen alterar a profunda paz do contorno.