Paisaje distorsionado
- INV:
- 3261
- Año de creación:
- 1983
- Dimensiones:
- 26 x 32 x 0
- Técnica:
- Óleo sobre táboa
Comentarios
Fondo e materia fóndense nesta paisaxe que nace dos diferentes matices da cor e das formas, da suxestión e da mancha para alcanzar valores de beleza pura.A sensación de bruma provoca que a natureza envolvente se distorsione ante a mirada como un líquido espeso que se derrete e dilúe. A intensa cor amarela, os tostados, os marróns, rememoran unha atmosfera outonal, un bosque animado de follas douradas polo sol.
A materia disponse con extremada delicadeza, en capas finas e lixeiras que permiten xerar transparencias, veladuras con tonalidades sorprendentes, realzadas pola base de madeira que respira a través do pigmento achegando o seu valor cromático e a súa textura rabuñada.
O resultado final orixina unha paisaxe moito máis anímica que real, e penetra nos complexos camiños da alma.