MACETAS AL SOL
- INV:
- 3141
- Año de creación:
- 1994
- Dimensiones:
- 41 x 34 x 0
- Técnica:
- Acrílico sobre lenzo
Comentarios
Un motivo humilde, un balcón colmado de flores tórnase no suxeito estético e poético que sostén a obra.A fermosa ventá, con balconada de ferro, ocupa toda a superficie compositiva convertendo en realidade a idea de cadro como fiestra, como espazo de tránsito que forza os límites reais do lenzo para suxerir un anaco de vida, un instante no tempo. A vexetación, que se estende ó longo da parede, incide na impresión de profundidade liberándose do enreixado para invadir o dominio espacial do espectador.
A pincelada varía, adáptase ás diferentes texturas, distinguindo entre os testos e a arquitectura, entre o natural e o construído. O trazo limpo e plano, máis ordenado, resérvase para o muro, empregando, nos ramalletes multicolores, un xesto solto que recorre á mancha e ó goteo de cor para ir conformando follas e brotes. A transparencia do cristal descríbese en suaves azuis que protexen e ocultan a identidade duns ollos que, agochados tras as ventás, miran sen ser vistos.