Sin título
- INV:
- 3130
- Año de creación:
- 1995
- Dimensiones:
- 140 x 140 x 0
- Técnica:
- Acrílico sobre lenzo
Comentarios
Tramas envolventes, sucesivas adentran o espectador na poética da autora, apaixonada polas formas enlazadas e as mensaxes agachadas.A montaxe de multiples redes con ocos de diferente calibre, máis amplas, máis tupidas, conforman unha maraña na que a harmonía cromática acentúa o xogo da confusión. As mallas desiguais, finas e transparentes, se suceden sen que a equilibrada paleta de brancos, beixes, ocres e tostados, provoque rupturas. A superficie apenas delata a presenza do pigmento e a pincelada discreta permite que se xustapoñan as reixas flexibles conformando veladuras que deixan respirar as capas inferiores nunha progresión que parece non ter fin. O resultado, en palabras de J. M. Lens, supón, "un repertorio de formas que indican como construír-realizar e de estruturas que acoutan o lenzo en narracións que se escriben agora con pintura, agora con encaixe, letras, nós, cordas, filamentos, tramas ou novelos".
A vertixe álzase en narrador enganoso propoñendo lecturas e interpretacións opostas. A necesidade de fuxida, de liberación das asfixiantes tramas circulares, oponse á sedución hipnótica, atraínte da retícula arquitectónica que invita a realizar unha continua viaxe cara ó interior, cara ó infinito.