Comentarios
Ante os ollos do espectador preséntase unha vertixinosa ruleta que confunde os sentidos mediante a sucesión de intensas e fortes cores planas, ordenadas seguindo a fórmula maxistral dos seus últimos anos nos que Mondrian parece estar máis vixente que nunca.
A rigorosa xeometría estrutura unha composición onde os tons cálidos dan paso ós fríos e cada cor ocupa unha casa perfectamente delimitada por unha grosa liña negra. O círculo central, dominado polo núcleo azul, xoga cos verdes, os amarelos e os vermellos que non interrompen o discurso da gama de fríos, determinantes no resto da proposta.
A simplicidade da cor, que se limita ós primarios e secundarios, potencia a forza la linguaxe plástica, da abstracción ordenada e meticulosamente pensada que apenas se ve alterada pola presenza da pincelada convertendo a peza, en palabras de Mª José Ruíz Vázquez, nun edificio do espírito.
EXPOSICIÓNS:
"José Lodeiro". Do 10 ó 21 de setembro de 1993. Sala de Exposicións de Caixapontevedra, Pontevedra.
