Liñariña con cerezas

Comentarios

Artista autodidacta, de liña inxenua, que se inspira na vida cotiá. Un debuxo elemental de trazos que siluetean as formas, que se conseguen a través dun cromatismo intenso entre cores primarias como o vermello, o amarelo e o azul, que experimentan coas luces e as sombras. As cores danlle vida ao cadro, viveza e harmonía.
Unha pintura sen referencia académica, á marxe de estilos, normas estéticas e convencionalismos que poderiamos encadrar dentro da pintura naif. Unha obra fresca e de cor que interpreta a realidade dunha forma optimista, como se mirase a través dos ollos dun neno. Un personaxe da vida cotiá, real e próximo, con expresión ausente que nos invita a compartir soños.