New York
- INV:
- 2571
- Año de creación:
- 1987 - 1988
- Dimensiones:
- 92 x 73 x 0
- Técnica:
- Óleo sobre lenzo
Comentarios
A fascinación que o autor sentiu pola cidade de Nova York quedou reflectida na súa serie de "Paintings of New York”, exposta por primeira vez nesa cidade na Galería Marlborugh en 1988.O máis acertado da obra é descubrir cómo o autor se contaxia do espírito da cidade, da verticalidade e da monumentalidade dos rañaceos captados gracias á corrección da súa técnica e á súa gran sensibilidade.
Todo está sometido a un estricto sentido do debuxo e da orde que dominan a composición, convertendo a cor nun complemento. A pincelada é coidada e acabada, para non violenta-la perfección e a xeometría, que parecen se-lo tema da obra. Adiviñámo-los trazos meticulosos do lapis cos que deseña os altos edificios, emblema de modernidade e de poder. As liñas paralelas que percorren verticalmente as súas superficies acentúan a sensación de altura.
O xogo de liñas verticais, horizontais, diagonais e os cadrados das fiestras provocan a sensación de movemento rápido e sincopado, recordando o espírito de Mondrian na súa obra Broadway Boogie Woogie, un canto á velocidade, ó ritmo e á vida moderna.