Comentarios
Absorto na beleza da paisaxe, un mozo, apoiado languidamente sobre unha árbore, ve pasar unha bandada de andoriñas.
A composición, estructurada en tres planos que delimitan a profundidade, presenta en primeiro termo o mozo poeta, nun plano medio a ladeira e, finalmente, as nubes e as andoriñas que no seu voo van describindo a letra uve.
Como excelente ilustrador, nesta obra, Máximo Ramos amosa a calidade do seu traballo ó acadar eses matices de brancos, negros e grises nun debuxo que, a pesar de ser monocromo, non limita en absoluto o seu valor lumínico. A influencia da estampa xaponesa intúese gracias ó delicado grafismo da obra.
O seu gusto polas figuras tristes e melancólicas permiten, coma neste caso, outorgarlles ás súas creacións misterio e lirismo sendo inevitable preguntarse, ¿en qué estará pensando o poeta?
