Outono

Comentarios

A natureza cobra vida da man deste autor onde a cor domina e se converte nunha linguaxe directa, con capacidade de expresión.

A obra transmite a sensación de atmosfera outonal, de espacio e de luz. A gran forza da paisaxe conséguese a través da pincelada pastosa e da agresiva selección da cor. Os amarelos do primeiro plano contrastan violentamente cos azuis e os morados do fondo. A mancha matérica confire movemento e plasticidade a unha obra viva, pintura pura que pode prescindir da dictadura do debuxo.

A paisaxe é agreste e indefinida e, ó mesmo tempo, profundamente emocional esixindo algo máis que contemplación pasiva, buscando a complicidade e a implicación entre obra e espectador.

Exposiciones

"Alex Vázquez". Do 7 ao 23 de setembro de 2000. Conxunto histórico de Soutomaior, Deputación Provincial de Pontevedra, Pontevedra.
"Alex Vázquez". Do 14 ao 24 de marzo de 2001. Sala de Exposicións de Caixanova, Pontevedra.
"Alex Vázquez". Do 20 de abril ao 13 de maio de 2001. Sala de Exposicións de Caixanova, Estrada.

Reproducciones

"Alex Vázquez". Deputación Provincial de Pontevedra, Pontevedra, 2000, s.p.
"Alex Vázquez". Sala de exposicións de Caixanova, Pontevedra. Díptico.