Personaje
- INV:
- 2539
- Año de creación:
- 1981
- Dimensiones:
- 64 x 48 x 0
- Técnica:
- Tinta chinesa sobre papel
Comentarios
Antón Rivas pinta e retrata personaxes do seu contorno, que pertencen á súa infancia ou están inspiradas en xentes populares e cotiás que el coñece persoalmente. A súa pintura, como el mesmo sinala, é humanista, inspírase na figura do home.A figura amosa o seu rostro de tres cuartos dirixindo a súa mirada cara á esquerda. As faccións, enxoitas, describen un xesto de desgana. A obra transmite unha gran sensación de tristeza, acentuada polo xesto canso do personaxe, un home desencantado e con poucos soños.
O traballo do autor é flexible, adaptando o debuxo ó que quere comunicar. Emprega un trazo máis minucioso e descritivo no rostro, relegando a pincelada plana e a mancha para o fondo, descompoñendo a figura en planos, que lle confiren un aspecto case xeométrico recordando a experiencias cubistas.
A influencia da xilografía adivíñase no xogo de luces, situando estratexicamente os brancos do papel para suxerir intensos puntos de luz, que penetra na obra pola dereita.
As referencias a Castelao son inevitables na súa obra, na descrición de personaxes nos que a vida está sentida e retada con intensidade.
Exposiciones
"Antón Rivas Briones. Viaxe pola memoria do home". Do 14 de xullo ó 30 de setembro de 2001. Sala de Exposicións Antón Rivas Briones, Vilagarcía de Arousa.
"Exposición Antolóxica de Antón Rivas Briones", do 14 de xullo ó 30 de setembro de 2001 na Sala de Exposicións da Casa da Cultura de Vilagarcía de Arousa.