DESCANSANDO
- INV:
- 2531
- Año de creación:
- 1999
- Dimensiones:
- 162 x 130 x 0
- Técnica:
- Acrílico sobre lenzo
Comentarios
Olga Martínez introduce o espectador, a través da súa obra, nos espacios íntimos da vida, pero transcrita con ollos femininos, sendo a muller, os seus sentimentos e mundo persoal o seu campo de interese creativo.Sobre un fondo de vivas cores, definido minimamente mediante brochazos, preséntase unha parella de mozos descansando tenramente abrazados. As figuras, perfectamente definidas pola forza do debuxo, descobren uns corpos individualizados mediante manchas de cor, combinando os tons claros e luminosos para a figura feminina e máis escuros para a masculina.
A violencia da pincelada e o contraste cromático de marelos, verdes, azuis non se contrapoñen á herdanza clásica da autora, os seus coñecementos da composición e do debuxo, que lle permiten abordar temas eternos, conflictos e desexos sempre presentes no terreo das relacións humanas, da muller e a parella.